去年1月6日，蘋果記者直擊天水圍嘉湖山莊，當時區內業主林太表示，半個月前阿仔買入樂湖居兩房單位，成交價330萬元。被問到市場不少專家指樓價跌一成，林太豪氣回應，「290萬已經最低，我個仔買貴40萬冇咩問題，佢要住㗎嘛，如果升又點呢。阿仔買嘅單位，銀行估到價，銀行唔會死錯人嘅，嗰啲咁既專家，食屎啦！我哋唔係有見地，我哋係腳踏實地，唔聽專家㗎，聽專家意見就死啦。」
林太發表「專家食屎」論當日，嘉湖山莊的平均呎價只是約6,800元，兩房單位300萬元有交易，但在14個月後的今日，由於剛錄得一宗兩房連天台單位成交，嘉湖山莊本月的平均呎價被拉高至近9,000元，樓價升幅逾三成。
事實勝於雄辯，的而且確，如果當日信專家樓價仲有得跌，而沒有入市，錯過低位入市機會，學林太話齋，「嗰啲咁既專家，食屎啦」。今日，林太已成為網民心目中的樓市英雄，更勝樓市專家。
另外，不少網民八卦林太兒子一年半前買入兩房單位今日價值，根據她當日提供資料，記者查到他兒子單位，目前中銀及滙豐估價分別為405萬元及400萬元，以當日買入價330萬元計，單位升值22.7%及21.2%。