singlepic id=19996852 w=160 h=120 float=left]韓流攻陷全球，韓國當代藝術品亦成藝術界新寵，同日本及中國並列亞洲3大當代藝術地區。適逢3月係「藝術月」，市民有機會一睹K-Art風采，有商場邀請多名韓國藝術家來港擺設個人展覽，豎立多個立體雕塑作品介紹韓式藝術。
韓藝術家嘆難搵知音
[藝術家權大訓獲海港城邀請首度在港開個人展。佢話香港同韓國嘅藝術某程度好似，韓國亦有唔少藝術家都面對麵包同理想嘅兩難局面，佢認為若果藝術品搵唔到知音，比受財困更令人沮喪。
而佢今次帶嚟嘅立體畫同雕塑組合作品，嘗試以一瞬間嘅停頓，將時空同光影兩種抽象概念聯繫，每件雕塑後面或下面都連接一幅繪有影子嘅畫作，觀眾可以圍繞雕塑隨意走動，仲可以喺唔同角度仔細觀察雕塑同畫作上嘅影子嘅微妙關係。
同場參與「拉闊藝術」特別展嘅仲有3名新晉藝術家金大成、金起民同崔星喆，佢哋嘅作品色彩斑斕，以《愛麗絲夢遊仙境》、大自然及夢想為題創作一系列雕塑。
呢個展覽其實係想打破民眾對藝術品曲高和寡嘅刻板印象，拉近藝術同民眾嘅距離，展期即日起至本月28日。