陳靜(DaDa)憑住《低俗喜劇》嘅「爆炸糖」一角獲得金像獎「最佳女配角」殊榮，但之後都好錫身，出席活動好少騷胸晒34E激凸身材。昨日難得喺微博派福利，DaDa放咗一張碧海加飄逸秀髮，但重點當然係透視紗裙下嘅紅色泳衣，仲有一雙白滑長腿，真係殺死人！DaDa留言﹕「我累了！」有網民即時好擔心DaDa唔知係咪好似之前咁，突然話要退出娛樂圈，不過DaDa好快就釋疑團，留言解釋﹕「減肥太累了，不減了(抓狂)我開動了。」哦，原來係嫌自己包包面太肥。
另一位晒身材女星，係早前同諸葛紫歧鬧得好不愉快，揚言唔介意退出娛樂圈嘅莊端兒。佢喺instagram放咗一張長腿泳衣相，同樣大家留意嘅唔止長腿，而係胸前嘅「大包」，瞓喺度都非常堅挺，唔少網都讚莊端兒身材無敵。