現年50歲無綫「反派王」何啟南，近日與41歲圈外女友楊穎靜低調到尖沙嘴婚姻註冊處入紙準備結婚，何啟南前日直認將做新郎，但否認奉子成婚。
外型cool爆的何啟南被爆婚訊，他前日回覆傳媒時笑着承認。對感情事一向低調的他，擬結婚通知書卻寫上曾離婚，他說：「一段時間，settle咗好多年。」
自嘲老冇驚喜
問到何啟南的求婚過程是否很浪漫？他說：「冇乜特別浪漫，仲有乜驚喜吖，我哋咁嘅年紀冇乜驚喜嘢。」求婚時有送花嗎？他說：「咁不嬲都有，唔係求婚先（送）。」何啟南表示暫時未定婚期，還未決定旅行結婚，抑或擺酒，但預計在年底舉行。他希望貫徹低調作風，不欲鋪張。
有共識唔生B
究竟何啟南如何覓得第二春？他說：「都係朋友介紹，拍咗3年幾。」半百何啟南有見年紀不輕，早日共諧連理，但兩人會是「無殼夫妻」，他說：「呢個時間我都未有錢買樓。」他感激未婚妻不介意。兩人婚後有共識不會生小朋友，他說：「冇諗過，但咁嘅年紀，如果啱就唔好嘥時間啦！」
何啟南曾演過不少經典角色，除了在電影《迷失樂園》中扮「鴨」餵黃夏蕙食雪條。他又在無綫劇集《心戰》中演陳豪的暴戾心魔Martin，當時更練出一身肌肉，備受網民支持，早前則在《城寨英雄》飾演袁偉豪的二叔。
採訪：嵐山
攝影：卓寶花