現年26歲嘅丹麥女子網球手禾絲妮雅琪終於公開戀情，仲大晒33歲馬刺球星男友大衛里爾嘅合照。查實喺前年12月，經已傳出禾琪同里爾拍拖，但拖拉咗好耐，直至今年情人節，禾琪喺社交網站上載咗一張揸住一束紅玫瑰嘅照片，仲寫咗句多謝里爾嘅說話，令人相信佢已「脫獨」。周一佢喺社交網站貼咗同里爾嘅合照，雖則只係背脊相，但儍都知佢哋乜嘢關係啦！