日內瓦車展前夕，平治於夏米爾區Espace Hippomene場館內舉行Media Night預展，率先展示六部全球首次曝光新車。最吸睛當然是平治極重口味之作Mercedes-Maybach G650 Landaulet，全球限量只有99架。這是首次以Maybach排頭推出SUV，將極盡奢華的頭等艙裝潢混合G-Class野越功能而生，可能見賓利Bentayga幾百萬SUV都有人買，平治又想分一杯。單是外形已經相當誇張嚇人，兩側輪拱的碳纖沙板已經聞到為何貴氣，而內櫳亦是全部真皮拼碳纖粉飾，車尾軟篷頂亦是真皮，越野車玩到咁豪，真係有啲唔捨得用來越野跑山。
另一部首次曝光的是Concept X-Class，圓碌碌車頭襯長長車尾，其實是一部全新Pick-up概念車。長方形尾斗尾門會發光，令向來形象粗獷的Pick-up多了幾分可愛，而前衛裝潢內櫳襯上啡色桃木，就好有Fusion味道。
記者：許維雅、粱立勤
攝影：粱立勤
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
