男人一生，只為尋覓一個肯同自己捱麥記嘅女人，不過，如果兩口子食食吓漢堡包，男士又見到個靚女店員，又會唔會開始有選擇困難症呢？
麥記前晚邀請傳媒晚宴介紹新計劃，席間由幾個小妹妹，捧住麥記新推嘅包出嚟，傳媒以為係model，但麥當勞董事總經理黎韋詩話呀：「好靚女呢，但唔係model嚟，係我哋新增嘅服務團隊成員。」佢話成員會喺60間全新Experience of the Future（EotF）店服務，包括新增嘅送餐及顧客服務等。
呢班女店員喺現場獲邀充當model影相，有男性傳媒人好關心咁問其中一位少女：「你喺邊間分店做呀？」。佢大方答：「又一城呀。」唔知呢間分店，之後會唔會多咗男士光顧？