張衞健嘅光頭形象「深入民心」，有傳係因為拍古裝劇多，經常黐頭套導致脫髮。不過，原來光頭背後係有一段辛酸史。
張衞健喺一個大陸節目上，自爆呢段「光頭血淚史」，同埋離開香港嘅原因，原來佢曾經遭一個製作人出言侮辱。
張衞健講到：「當時我碰到一位香港的製作人，他找我拍一部戲讓我開一個價錢，我就給了他一個很合理的價格，然後他是這麼跟我說的：『多少錢？衞健，你不要以為你演完孫悟空之後在香港很紅，我告訴你，你在中國內地的知名度是零。送你一句話吧『記住，你的臉上沒毛呢，你是不值錢的！』」
就係呢番說話，令張衞健決定離開香港去闖一片天，同埋連頭上僅餘嘅頭髮都剃埋，要向嗰位製作人以及全世界證明自己冇毛髮都有價值。
除咗俾製作人出言侮辱，張衞健仲喺台灣綜藝節目《康熙來了》入面提到：「我在TVB是3,500塊(月薪)，維持了大概有10年時間。之前只得2,500塊。」連主持人小S聽完都O晒嘴。
近日張衞健喺無綫新劇《大帥哥》簽約儀式上，佢大方承認自己當初離開無綫係因為酬勞太低。不過張衞健今次重返無綫，就話不問酬勞，只係要求有足夠睡眠時間。