現年45歲的劉永健是劉家榮兒子、劉家良姪仔，自小與大伯劉家良及伯娘翁靜晶關係親密，5歲跟父親劉家榮及劉家良學習武術拍戲，加入無綫後，大部份都演奸角或闊少角色，曾參演《十月初五的月光》、《尋秦記》及《雲海玉弓緣》等。
近年劉永健離無綫後多次為電影做幕後工作，如為陳小春及傅穎主演的《3D詭婚》任監製，另一部由蔡卓妍及杜汶澤演的《放手愛》則擔任總策劃。他今年會主力投入製作一部投資逾億元的功夫電影：「其實07年已經有外國製片搵大伯傾，話想拍關於劉家嘅功夫片，但之後金融風暴就擱置咗計劃，我10年攞去內地傾，但嗰時大伯身體唔好，今日我係希望可以還大伯嘅心願。」