夜賽重返快活谷上演，周三（8日）晚將以全闊A跑道作賽。
睇番最近2月2日同一移欄八場賽事，總共有七匹頭馬守前四位入直路建功，其中「紫電明珠」、「首映」及「喜益善」都係擺前帶到，另外「愛寶」及「蒜頭爺爺」守貼欄包廂位勝出，靠後勁食糊嘅馬好蝕底，要秤先具前速之馬匹。
今戰列陣馬中，角逐第四場四班1650米的「紫電明珠」，四次角逐谷草A欄一哩，獲一勝三位全上名。上仗贏完等番A欄再上陣，重配蔣嘉琦大有機會可添食。
另外，爭頭場五班1000米的「飛霞」，唯一頭馬正是在谷草A欄1000米所得，今次重返強項路途，配傷癒復出的杜利萊有力重開勝門。