曾高處墮樓卻大難不死嘅日本神化男星窪塚洋介，去年同巨胸舞蹈員PINKY再婚，婚後不時公開晒恩愛，而PINKY似乎亦腳頭唔錯，二人撻着後喜訊不斷，不僅令37歲嘅窪塚首次進軍荷李活，日前PINKY更親證有喜，宣佈為窪塚陀B，係窪塚同前妻Non生完囝囝13歲囝囝愛流之後再度添丁。
據知PINKY目前懷孕已經6個月，預產期係今年7月，PINKY表示腹中塊肉已經進入安定期，大前日喺Ig穿上性感bra top晒肚皮。到咗前日，窪塚喺大阪以卍LINE名義搞10周年紀念party，大肚愛妻當然都有捧場，今次PINKY打扮依然慷慨露肉，更打出心口晒巨胸，係二人宣佈有BB後首次結伴露面。