滙豐今日幫信用卡換上新look，Visa Signature卡、Visa鉑金卡、Visa金卡、銀聯雙幣鑽石卡同銀聯雙幣信用卡今日起會有大大隻獅頭喺上面，比以前簡約設計係威啲嘅。
新卡用咗總行樓下嗰隻獅子施迪（Stitt）嘅肖像，卡面雖然係平面，但望上去似山巒凹凹凸凸，比起以前兩條直線加啲三角形，心思多咗。
滙豐發言人話，「滙豐獅子可以時刻提醒市民，保障你嘅需要，堅守信念，助你達成眼前目標，實現遠大抱負」。嘩，換張卡個look咋喎，效果有冇咁誇張呀？
滙豐將會按卡面嘅有效日期，逐步為現有信用卡戶換新卡，今年內將會陸續推出卓越理財信用卡同運籌理財白金Visa卡嘅新設計。