張敏於03年淡出香港娛樂圈北上發展後，一直有說她會下嫁給經理人劉永輝，最近她接受雜誌邀請影靚相，傳她復出娛樂圈之餘，婚姻更亮起紅燈，現時已另結新歡梵師兄。據說這位新歡貌似黃子華，網民還爆料指「嫩版子華」是成都一名導演，因家境欠佳，經濟上要由張敏支持等，張敏為了男友近日準備復出拍戲。
「未有啱作品」
對於外間種種傳聞，身在台灣參加法會的張敏昨日否認說：「由頭到尾我冇同任何人結過婚，我承認𠵱家同師兄梵交往中，因為彼此有共同信仰而結識嘅，我想澄清冇包養過佢，唔好講到咁難聽，佢係一位製作人兼導演，有自己工作，同佢好合得嚟，大家請畀我哋一啲空間。」
問到是否要復出拍戲？張敏表示：「我由頭到尾都冇離開過呢個圈，只係未遇到啱嘅作品，有好嘅話，我當然希望可以拍啦！我𠵱家喺台灣參加法會，希望可以安安靜靜修行。」她這次在台灣參加法會，男友梵師兄亦有同行，她昨日也有把參加法會的照片放在微信朋友圈，但男友的照片就沒有再擺上網，似乎她想好好保護男友不受打擾。
向太撐復出
此外，向太昨日在銅鑼灣出席活動，記者問到張敏復出，向太說：「支持佢，佢拍過好多經典角色，好懷念，好耐冇見。出返嚟都好，搵錢又好，過戲癮又好，老演員都買少見少。」對於張敏的婚姻狀況，向太說：「佢唔係結咗婚咩？之前睇報紙話佢同經理人一齊，我唔知，大家好耐冇聯絡，冇大家電話，但如果佢出返嚟相信有辦法聯絡到。」提到劉德華病況時，向太表示大傷風未有探望，有與華仔通電話，透露他長氣了，常語重心長，叮囑身邊人。
採訪：鍾國仁、曹家誠