有時真係情非得已，我口講我心，得罪咗人都未必知，唔知環境局局長黃錦星（圖），會唔會別有一番滋味在心頭？
黃錦星噚日出席公開活動時話喎，希望今年上半年將固體廢物徵費建議交去立法會，期望喺2019年下半年，正式落實固體廢物徵費，點知佢講解時間表時，一時錯口話：「我哋嘅目標係今年上半年將垃圾收費嘅條例草案呢，攞上垃圾會……」
預告大嘥鬼換新look
嗱嗱嗱，垃圾會？大家真係冇聽錯，星爺真係講咗「垃圾會」，可能真係代表好多人講出心裏面嗰句，之不過佢講完之後，好快已經知道出事，即刻糾正話交去立法會審議。星爺仲預告，環境局吉祥物大嘥鬼會有新形象配合宣傳㖭，唔知換咗新look嘅大嘥鬼，會唔會同星爺唔再咁似樣？