韓國神劇《太陽的後裔》女星宋慧喬去年拍完《太陽》之後，人氣有增無減，上月喬妹風騷襲台出席活動。
雖然喬妹仲未有新作，但佢都好識冧粉絲，平日都會上載新相到Instagram同粉絲分享。而前日喬妹就上載一張黑白照，原來喬妹飛咗去英國睇當地著名畫家、版畫家、舞台設計師及攝影師David Hockney嘅展覽，只見喬妹戴住cap帽喺街頭漫步，真係好文青。
之前拍《太陽》時，喬妹同男主角宋仲基傳過緋聞，二人亦多次否認拍拖，不過唔少《太陽》粉絲就認定兩人係一對，前日見到喬妹上載完文青相後，有網民就即改圖，將宋仲基嘅背影key咗入去，當中只見背影嘅宋仲基望實身邊嘅喬妹，如果唔係有喬妹嘅原圖，真係會令人誤會雙宋喺英國合體呢。