【本報訊】王志豪（Eric）今年只有29歲，單身冇拍拖，懂七國語言，現為市值億億聲的Klook聯合創辦人兼總裁，不過他始終已不再是投行的金融「財」俊；亦不再擁有半山單位。他坦言，於男女感情上，是出現明顯落差。
他坦言，做投行時「Market係大啲」，會有很多女性朋友主動埋身，「當年做Banker，有一個好特徵係，會揸住一個Blackberry。所以如果揸住一個Blackberry，大部份都係做iBank，咁落Club時啲女性會進取啲。」他又笑指，「而家人哋問你做咩，你做Klook呀，吓？咩呀？咁就冇嘢講囉。咁你以前話，你做咩呀？做Morgan Stanley！（啲面口差得遠）都有㗎。」
他表示，對於現時年輕人以上車為目標，「我都係過來人，嗰時我有咁既錢，我都係選擇買樓先，我覺得今時今日，有瓦遮頭可以上車係安樂啲，所以我都理解；但我有另一個夢，我唔賣樓，都做唔到呢件事，所以我一定要賣樓。」
被問到，如果有日出現心儀對象，但對方要求「買樓先一齊」，他表示，「如果有樓先可以結婚，或者有樓先可以一齊，呢個唔會係我會鍾意既伴侶。」然後他又補充，「我而家都冇錢！」
記者：倪敏慧