幼兒言語發展遲緩，往往令家長不知所措。有言語治療師遇過家長為催谷小孩而患上抑鬱，亦有家長只懂「鬧或喊」，慨嘆幼兒的言語障礙釀成家庭問題「唔值得」，促家長改變心態。畢竟讓小孩快樂，才是幼兒階段最重要一環。
秦蓁現為新加坡卓薈幼稚園校監。她擔任言語治療師時接觸不少0至6歲、言語發展遲緩或較弱的幼兒，不少家長不懂處理或面對，「試過有家長帶同小朋友上嚟（會診），個阿爸剩係識不斷鬧、阿媽就不斷喊，個小朋友就唔知做緊乜」；另有小孩入讀不斷催谷學生的名校，其母為了追上進度，「最尾辭埋職，全力陪小朋友，但小朋友最終都係跟唔上，阿媽就繼續迫，變咗循環……最後阿媽仲因此有抑鬱」。
秦蓁認為問題源於家長心態未改，「學習其實係一定學到嘢，問題係點教」，幼兒階段並非局限於認字、寫字，「當你可以令小朋友有動機學習，其實根本唔需要催谷」。幼兒可透過遊戲，例如剝雞蛋殼、摘毛豆等小家務，訓練小肌肉、自理能力及探索世界，「就算你硬要佢學ABC，如果佢冇興趣一樣好辛苦……反而喺幼兒階段令小朋友有開心學習嘅環境，引起學習興趣更重要」。
秦理解家長很難接受小孩發展追不上別人，「但如果連家長自己都睇唔起小朋友，佢就好難長大」，促家長調適心態，不應勉強催谷或跟隨他人步伐，「始終唔同小孩都有獨特個性同唔同嘅發展階段」。她曾治療一名語言發展較慢的女孩，卻發現她具跳舞天份，「只要令小朋友有信心試，發展就會好」。若只著重學術成績，「小朋友同家長都會過得好辛苦」。
秦蓁任職的新加坡卓薈國際幼稚園即將落戶香港，冀吸引認同其教學理念的家長。幼稚園採遊戲學習，也有學字、認字等配合小學課程的教學內容，同時重視體藝發展，跳舞、畫畫、口才班將交由SDM爵士芭蕾舞學院導師負責。辦學團體Chatsworth每週新加坡與香港學生一同視像教學，並成為「網友」，學習當地文化和增強語言能力。
該校期望9月可開學，上下午校各級收生40人，現正向政府申請審批幼稚園校舍，待完成申請文件後會向教局申請學校牌照。
記者 葉偉東