繼ViuTV去年4月開台後，另一全新免費電視奇妙電視又將於今年5月中開台。為迎戰5月的電視大戰，ViuTV將於下月變陣，一星期連續播五晚劇，由晚上8時半播日韓劇、晚上9時半播本地製作劇，晚上10時和11時分別是實況娛樂和《晚吹》，深夜12時播新聞報道。
搵校艱難
為應付未來一周五晚播本地劇集，ViuTV開拍懸疑劇《詭探》，昨日在西貢舉行開鏡禮，出席演員包括邵仲衡、車保羅、趙碩之、蔣祖曼、劉錫賢、尹揚明、白彪和張雷等。十多年沒拍電視劇的車保羅上周五榮升爺爺，昨日他一提起孫仔即表現風騷：「噚日先接BB出院，佢真係好的骰，生得好順利，it's a boy（是個男嬰），好開心。」車保羅表示送給孫仔第一份禮物是「kiss」，揚言要教孫仔普通話：「香港𠵱家最主要兩種語言係普通話同英文，將來會畀佢讀國際學校。」他笑言不敢叫新抱追多個，因安排小朋友讀幼稚園和小學有排煩。
邵仲衡在《詭探》飾演走火入魔的茅山師傅，他說：「會拍好多香港嘅都市傳說，好似火車廣告、公屋傳說同西貢結界都有。自己要學好多手勢同手印，幾特別。」西貢結界事件早前被廣傳，問他可會驚怕？邵仲衡說：「信則有不信則無，太太都問我會唔會好邪，我話：『我仲唔夠邪？』」
採訪：盧妹
攝影：陳俊強
