【本報訊】身兼全國政協常委的星島新聞集團主席何柱國昨亦以選委身份出席論壇，入場時遇上社民連黃浩銘等人示威，何最初未有理會黃等人叫喊「打倒特權委員會」口號，已提名林鄭的他邊走邊回應記者指提名與投票意向一致，惟聽到黃揶揄他「𠵱家投咗降，攞埋勳章啦」後轉身到黃跟前反問：「我攞勳章關你乜事？」
何直認以前反對梁振英當特首：「咁佢做錯乜事先？」黃繼而指何曾指梁經營公司也破產，何反駁：「香港嘅儲備越嚟越高，咁有冇破產吖？」在黃追問下何直認「錯咗」，繼而指黃當時也撐梁，黃駁斥：「我哋由頭到尾都反對小圈子選舉！」何則指：「如果當時唔警告佢，佢就會使晒啲錢，佢嘅小心，令香港儲備就越嚟越多，都係你得益㗎兄弟。」其後轉身離開；聽到黃指梁收起儲備不用，何再轉身促黃研究梁用於扶貧的金額。
■記者許偉賢