無綫節目《有樓萬事足》早前引來不少迴響，其中拜金港女Seasun語出驚人，曾爆出「有樓女人先有高潮」、「如果冇樓就唔好白撞」成為新聞人物，之後被網友起底她曾為城中風流富豪趙世曾打工，更獲安排入住趙苑，其後疑因她帶男仔過夜而遭趕走。
中原地產網昨日貼出有趙苑樓盤出售，當中有一個4,600呎、實用面積3,308呎的樓盤，索價高達2.5億，平均實用呎價成7萬5千多，趙世曾昨回覆表示：「趙苑發展咗幾十年，有好多單位獨立屋同apartment，獨立屋都賣咗好多間，呢個應該係二手轉賣，我哋𠵱家多數都係apartment收租，都有做買賣，但印象中就冇獨立屋呢個呎價、呎數賣緊。」
採訪：唐如