今年45歲、大台出身嘅藝人吳家樂，多年嚟拍劇多數做配角，不過佢經常做主持，形象入屋。電視背後嘅佢，2006年同當時拍拖一年嘅女友其士集團太子女周蕙蕙結婚，同年尾生咗大女Nadia，兩年後追仔成功，誕下雙胞胎囝囝！
吳家樂夫婦結婚翌年就買入北角賽西湖大廈豪宅，地產界消息話，屋苑14座一個高層B室單位，實用面積1,467方呎，建築面積1,640方呎，啱啱以3,952萬元賣出，實用呎價2.69萬元。
原來十年前兩人透過一間公司名義買入單位，當時買入價1,638萬元，公司董事就係周蕙蕙，層樓揸咗10年，今勻轉手賺2,312萬元，升一倍有多呀。香港地，似乎都係買樓易發達。