【中環】現年83歲的「六嬸」方逸華四年前辭任無綫副主席兼董事總經理後，仍不時相約無綫舊下屬飯敍，六嬸大前晚7時多又再出動，相約無綫高層樂易玲、陳樹鴻和無綫前行政主席梁乃鵬等食日本菜，被喻為六嬸頭號愛將的陳偉文（Raymond）亦有同行，並全程拖實六嬸出入。
上斜冇難度
大前晚六嬸與邵氏任職的愛將Raymond乘七人車抵達中環卑利街，挽着兩個紅色袋的Raymond落車後扶着六嬸落車，然後拖實六嬸往斜路的「鮨佐瀨はなれ」壽司店。去年10月，六嬸出外食飯時一度要坐輪椅出入，惹人懷疑六嬸健康出現問題，但大前晚六嬸已不需要坐輪椅，精神看來相當不俗。
大概15分鐘後，梁乃鵬、樂易玲和陳樹鴻等亦先後抵達，但因為餐廳位置太隱蔽，眾人均找了好一會兒始發現餐廳，其中梁乃鵬走到餐廳門前不停拉門，但最後發現原來要按掣，並擾攘一輪才成功入內。
採訪、攝影：吳耀輝、徐錦池