澳職有珀斯光輝嘅比賽已經預咗多波入，上周六聯賽作客出戰防守一向唔掂嘅威靈頓鳳凰，更加係癲鳳鬥狂龍。呢場波開波25分鐘主隊已經領先兩球，光輝完半場前追番一球之後，到下半場兩分鐘又失波，到比賽末段光輝由阿當泰加特同埋迪亞高卡斯度（中）各入一球追成3:3平手，近九場比賽第八次至少攻入對手兩球，不過防守就真係唔多掂，踢埋今場累積失球已經到達40大關。