議員:點解要九龍灣去沙田?

議員:點解要九龍灣去沙田?

【本報訊】民主黨立法會議員林卓廷批評,機電署舉行的午宴價錢及地點安排荒謬,「咁點解唔喺九龍灣食?點解要去到沙田食咁搞笑?沙田馬會特別好食啲咩?唔會咁做嘢囉,畀人感覺你係為咗食嘢定為咗溝通呢?」他斥責署方令員工感受壓不恰當,「400蚊食餐晏好貴,我喺金鐘請客都食唔到𠵱個價」。他認為午宴應簡約為主,選址應鄰近辦公室。
另一議員毛孟靜指,不能接受署方的安排,「畀400蚊去咁遠,有冇搞錯!𠵱個唔單止令人遺憾,如果所有嘢係屬實嘅更要譴責,部門首長絕對有問題,我感覺係我唔知佢最終有乜好處」。對於被指控強迫員工出席,她說:「下屬如果次次都唔去,都會驚自己個appraisal評分係咁先,真係唔公道。」

署方:方便總部以外同事

機電署發言人回覆指,署方管理層每月例會後,一般會舉行部門午膳聚會,以增進在不同工作地點同事與管理層之間的溝通,屬自願、自費性質,聚會地點多為九龍區,間中亦會在港島或新界區,以方便在九龍區以外辦公的同事參與。
■記者紀靜雯