投票，要200%暗。
材料，肯定300%黑。
埋身肉搏，選戰開打，第一round，薑蓉奶強復活，幫奶媽出聲，數落薯片。內容吸睛嗎？不，夾硬嚟，將雨傘運動和所謂的外國勢力撈埋落鑊，大火猛炸，炒埋薯片一碟，犯駁到低B。碟菜咁難啃，當美食家習神係老懵董嗎！收集情報，習帝大把高手，薑蓉奶強粗製濫造上枱，難以呃like。
那邊廂無路可退，盡地一煲的西環下死令，打手最後召集，不惜工本，煮重薯片米。選舉又試重蹈上屆唐梁之爭覆轍，泥漿摔角，玩極唔厭。但學武之人，睇唔起爛打街霸，爛頭卒撩是鬥非，踢館叫囂，掌門人唔使出馬，氣聚丹田，級數唔同，絕不一般見識，打這種爛仔交，鬥這種三姑六婆嘴，有失武德。
中國武學，博大精深，遇到無賴，以寡敵眾，胡薯陣營，拍住上，反攻圍毆，這一仗，縱使掛彩，也是百分百香港精神，攏聚正能量，體現獅子山，力抗西環平壤式生化恐怖施襲！不能讓張小明製造港版的金正男！