「佢後生呀嘛！我哋就幫佢改花名，叫Bio仔，但其實同學睇到佢對教學熱誠，好尊敬佢。」國際肝癌權威潘冬平，原來差點跟醫科擦身而過。
潘冬平昨重返母校皇仁書院，透露自己原本鍾情物理及數學科，不喜歡生物科的死記硬背，至預科時遇上一位初出茅廬的生物科老師，對方傾誠相教，從此深深愛上。當年良師，造就一代名醫。
「用最好方法教最多嘢」
潘冬平昨日以主禮嘉賓身份重返母校開放日，更重遇當年的「Bio仔」老師李永良。李永良同屬皇仁校友，1981年大學畢業後加入皇仁任教，與當時準備升預科的潘，年齡實際只差7歲。李永良笑言好處是跟同學相處無代溝，潘冬平則「賣口乖」指，李Sir當年是最受歡迎的老師之一，跟一班男生像朋友般相處。
作為國際肝癌權威，潘冬平原來差點沒讀上醫科，他憶述：「以前對生物科嘅印象就係死記，自己唔係好鍾意，但去到高年級，接觸到evolution（進化論）、eco-system（生態系統），先發現原來好有趣，雖然當時感覺自己數學叻啲，但掙扎一輪，預科都揀咗讀生物。」
潘冬平笑言，當年選科「一去冇回頭」，一旦選修生物科，只可升讀醫科或繼續讀生物，不可升讀其他理工科目，幸好他在預科時遇上好老師李永良，「李Sir好用心備課，想用佢最好嘅方法、教最多嘢畀你，上過佢嘅堂就會知，呢樣嘢反而係一啲好資深老師未必做到。」
李永良亦直言，當年的皇仁仔多出身基層，因此更用心向學，也有深厚兄弟情、會在學業上互相扶持。以他自己為例，在皇仁同屆修讀生物的便有高永文、袁國勇等名醫，李謙稱自己「冇佢哋咁叻」，但多年來亦全心投入教育界，任教皇仁18年間，培育出不少醫生。皇仁書院昨、今兩日舉行開放日，今年為皇仁建校155周年，設立「皇者仁風校史館」，展出多件珍貴校史文物，包括六七暴動時的反英傳單、歷代校章及校服等，公眾人士亦可參觀。
■記者周 婷