田泰安及呂健威呢對騎練組合，最近憑「公証揚鳴」取得1冠1亞，兩人合作愉快。周日（3日）沙田日馬，呂健威又有實力分子益田泰安，就係第九場三班1400米的「一道」。
「一道」曾在澳洲考菲爾德馬場1200米三級賽得季軍，來港後亦曾60倍跑第二，身居三班絕非下風馬。今朝亦有搏殺手影，呂健威喺機坪附近見到田泰安，即捉住佢傾個不停，兩人睇住一疊賽事資料仔細研究，似乎在商討「一道」的出擊戰略。
「一道」上仗跑同程1400米只輸兩馬位，周日初配田泰安當然鬥志如虹，加上抽得2檔有利因素，絕對是香港評馬同業協進會挑戰盃一路奇兵。