旅發局近年將3月打造為香港藝術月，將不同嘅文化藝術活動、藝術地標串連，針對性向旅客同國際傳媒推介，希望畀到外國遊客有與別不同嘅旅遊體驗。
適逢香港特區成立20周年，旅發局亦喺今年嘅香港藝術月加入同20有關嘅元素，包括向旅客精選推介20個精采藝術活動同好去處，例如巴塞爾藝術展同PMQ元創方等。同時與路透社合作，揀咗廿張最能表達「香港鮮為人知的藝術秘點」嘅相片，包括由傳統工業區搖身一變、𠵱家有多個藝術團體同藝廊進駐嘅文青新據點黃竹坑，以及遍佈中上環、深水埗嘅街頭塗鴉，鼓勵旅客深入各區探索香港，配合全新推廣計劃「Best of all,it's in Hong Kong」（盡享．最香港）。香港藝術月詳情可瀏覽旅發局網站。