林鄭藍色政綱的第二頁有這麼一句「我的願景是……讓香港更美好。」
中間的省略號，成為網民熱話。點解用省略號？多快好省？欲言又止？講多無謂？向葉劉反擊三點不露？
我估會有紅心小學校長以為執到寶，下令學生交中文習作，個個都要續寫，省略號之後的乜乜乜。打算寫好後親自送去奶媽辦，交心攞彩。不過小學雞絕對不是填鴨，個個很有主見，續寫內容，嚇窒校長。可以想像他們咁寫：
「我的願景……警察叔叔不要講X你老母，讓香港更美好。」校長夠膽批評學生寫錯嗎？
「我的願景……收返西環。每次遊行示威去到西環就被擋住，寸步難移。是不是西環已經被割讓了？懇請下屆政府收返西環啦，唔知，要幾多錢才可以收返？」校長，你辦公室裏，有無張小明墨寶呢？
「我的願景……也是香港人的願景：一人一票選……薯片！」校長嚇到從大班椅跌落地，慌失失驚人見到，極速丟咗這篇文。其實校長嚴密收藏了自己寫好的「我的願景」……是做局長，唔忿氣姓吳那個咁窩囊都做到！但林鄭當選，實唔幫下屬包底，隨時俾鑊佢地揹。校長縮沙了，未來十年，無願，更無景……