經營日本城嘅國際家居零售（1373）舊年1月請來做過7-11便利店同位元堂（897）嘅莊少匡加盟，擔任行政總裁（CEO），過去一年，國際家居股價累升45%，舊年中期盈利又升六成，莊少匡明顯係做到嘢喎，難怪公司噚日宣佈，委任佢為執行董事，入埋董事局。
47歲嘅莊少匡喺零售界打滾多年，曾於7-11便利店負責採購5年，離職前係採購董事，之後加入位元堂負責中港及海外中藥業務，孖屐都預期佢加盟國際家居係要做靚日本城業務，估唔到一年貨仔交到成績。
公司之前話計劃增加旗下生活雜貨店「123 by ELLA」數目，又會開日本城概念店，莊少匡應該有排忙，唔知人工加幾多呢?