「Son媽我有冤無路訴，之前有個唔同部門嘅舊同事約我出嚟食飯傾偈，我諗住大家以前都幾好傾冇乜所謂，所以應承咗。我之前阿頭睇埋佢個部門，佢話同佢唔夾，我同佢講其實阿頭份人冇乜點，不過係心急啲，叫佢畀啲耐性多啲時間了解吓。成餐飯佢不停係咁數話阿頭點衰，我都頂唔順諗住冇下次。點知佢竟然返去公司話畀所有人知我約佢出去食飯，講我講阿頭壞話，仲話我問佢有冇興趣跳槽。搞到我好煩唔知點算，最慘我真係同佢食過飯真係水洗都唔清。好唔好搵阿頭解釋一下呢？」
雖然江湖行走幾十年，有那位同事的城府如此攻心計，出手如此狠毒辛辣的人，坦白講防不勝防，非常難應付。你還年紀小，叫得我Son媽你的年紀不會大，所以不必自責，既然學費交了，就要增進見識，好好上一課，才不叫冤枉。
很明顯那位舊同事有心利用你，有備而來來意不善，你絲毫不察覺當然沒有防範，坦蕩蕩上陣迎戰，中箭中伏是必然。我只是不明白，你和他之間是否曾有過節？偏偏選中你，只是因為你是最合適人選？無論如何我相信他的處境應該很危險，他要行此險着出此賤招爭取籌碼抬身價。你的確單獨和他見了面吃了飯，席間你們二人講過些甚麼說話只有你兩個知，各執一詞應該信邊個？明知你必定會知，他竟然如此大膽故意向全部人講而不是只向阿頭講，就是要為了增加自己所講的說話的真實性。即使不會完全相信都肯定半信半疑，你的確啞子食黃蓮。
風頭火勢，水洗不清，舊公司的事我勸你還是少理，專心做好自己的工作才是正經。一定會有水落石出的一日，要沉住氣，記得買定花生等睇戲。
張慧敏
http://www.facebook.com/HKcareerdoctor