英國傳媒一直都傳，如果曼聯下季冇歐聯踢，伊巴謙莫域就唔會續約，但35歲嘅伊巴澄清，佢續約與否同歐聯資格冇關係，「今季我加盟曼聯嗰陣，都知冇歐聯踢，所以我嘅決定同歐聯資格無關。」不過，伊巴話佢舊年夏天嗰陣，就算摩連奴邀請，都未決定去曼聯，只係囝囝好想佢踢曼聯，所以伊巴先順吓囝囝意思。