蜜蜂兵團痛失大將！多蒙特禮拜一宣佈，中場馬里奧葛斯因病無限期缺陣。呢名24歲德國中場近幾個月受肌肉傷患困擾，醫療團隊決定為佢做詳細檢查。據多蒙特嘅聲明指，葛斯患上新陳代謝失調（metabolic disturbances），需要立刻停止操練，接受治療。葛斯話：「我𠵱家正接受治療，會盡全力康復，希望盡快重返訓練場，幫助球隊爭勝。」