坊間都有唔少藍牙喇叭會在機面上加入LED燈，估唔到連手機都會照跟，Alcatel剛在MWC 2017就發表了一部加入LED燈機背的手機Alcatel A5 LED。講真A5 LED的硬件規格承襲自Alcatel的傳統都是走中低階路線，如用上1.5GHz MediaTek MT6753八核處理器、2GB RAM、16GB儲存、5.2吋720p屏幕、800萬像素主鏡頭、500萬像素自拍鏡頭以及2,800mAh電池，女統統可謂乏善足陳，而且亦只搭載Android 6.0 Marshmallow系統。這部手機的亮點其實來自機背，機背底殼加入一系列彩色LED燈，當接收來電或訊息以及播放音樂時，機背閃燈都會閃動，擺明都是針對後生仔市場，定價方面亦符合年輕人購買力，定價為199歐元（約$1,635），預定5月推出。Alcatel亦唔打算只以閃燈作為A5 LED唯一賣點，在MWC 2017期間都展出過為A5 LED而設的電池背殼以及喇叭背殼，只需將LED燈背殼拆走就可換上其他模組，不過現階段就未公佈相關計劃。
資料來源：Techradar
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
