身為林鄭月娥競選班底嘅青年事務委員會主席劉鳴煒，噚日應邀接受民主黨前主席劉慧卿嘅網台節目，講特首選戰、傾青年事務，但最搶fo嘅莫過於佢向卿姐送上香艷禮物。
原來男神周日喺一個慈善跑活動勝出，贏咗價值1,000蚊嘅女性內衣券，唔知點解佢覺得卿姐啱用？見到卿姐就即場送大禮，點知卿姐唔領情（唔係怕醜啩？），反叫對方送畀葉劉？原來內衣券嘅牌子係Regina Miracle，似乎送畀Regina Baby更啱key。
劉鳴煒冇講明，會唔會向葉劉送券當送暖，但喺facebook貼咗送禮相後hashtag #很想要吧、#比賽一日未開始我都有機會贏，後句唔知係咪回應薯片叔日前借奧斯卡抽水留言，「未到最後一刻，永不會知道真正結果」？