女騎師蔣嘉琦今季聲勢大不如前，其他華將搵座騎亦越見困難，不過嘉琦師兄梁家俊卻十分爭氣，剛周日勝出「極速前進」及「勝利之星」一對冷馬起孖，足見他的騎功絕不遜色。
梁家俊的好表現亦帶來獎賞，「極速前進」練馬師容天鵬這天安排旗下另一匹實力馬「帶盈來」，首次由梁家俊過檔，人馬先在機坪踱步熱身，繼而往大跑道快跳一段操練，走勢良好。
6歲灰馬「帶盈來」今季雖未贏過，但近期戰鬥力似乎正邁向高峰，前仗田草1200米得亞軍，讓4磅下只不敵「一定賺」而跑贏另一惡馬「錶之星」。須知道「一定賺」再出再贏，實力深不可測，由此可反映「帶盈來」有幾厲害。既然「極速前進」167倍都爆得出，暫時沒有賽程的「帶盈來」稍後如報爭最擅長的田草1200米，梁家俊、容天鵬當然又有機會攜手贏馬。