1937年4月啟用嘅瑪麗醫院，今年踏入80周年。一連串嘅慶祝活動當然係唔少得，原來亦都引到幾位「大內群英」顯露真身助興喎！
瑪麗嘅內科部門，原來派出4名「唱將」，包括李智豪、梁文杰同胡裕初醫生，以及內科護士劉慧德，合力製作咗一首「同行．四千週歲月」獻畀醫院。呢個組合叫做「大內群英」，詞曲編監都落足力參與；睇埋、聽埋佢哋個MV，真係既有唱功，又有台型，帶出瑪麗醫院「薄扶林上扎根，始終也為你守望」嘅精神，薄扶林果然係個卧虎藏龍嘅地方；瑪麗醫院院長陸志聰仲罕有喺片中粉墨登場。
而星期日嘅瑪麗醫院80周年晚宴星光熠熠，五任院長（行政總監）就同食衞局局長同高永文一齊唱歌，包括歌王周一嶽、黃譚智媛、賴福明、梁栢賢同現任行政總監陸志聰。