美股道指升幅減弱，港股二三線股已經先來調整，升跌比例連續3日低過一半，雖然即市仍有寶信汽車（1293）、比亞迪電子（285）爆上，與此同時有更多股份捱緊調整。
最重要嘅係，個股氣氛減弱，但之後會唔會更加弱呢？睇埋小時圖，恒指呈圓頂，保歷加通道亦向下傾，噚日低開後反彈倒升101點，但巧遇保歷加中軸阻力即快速回吐，大部份升市強勢股反彈幅度亦火速收窄，睇嚟調整未完，估計總有一日出現比上星期五更急促調整，到時二三線股或出現free fall恐慌。要短線撈底，較有把握係等free fall出現，然後回穩至少兩日先再考慮低吸。
暫時睇後市唔太明朗，輕倉上路較好。
晉佳
http://fb.com/advanceguy1