【全泥夜宴】短途冇得追?中、長途唔利放頭?

【全泥夜宴】短途冇得追?
中、長途唔利放頭?

周三(3月1日)晚舉行今季第三次於沙田馬場場舉行的全泥夜賽,睇番最近1月18日同類賽事,五場短途1200米都由在前列競跑的馬匹勝出。

其中「喜得龍」、「八心之友」及「加州議長」都係擺前帶到,反而中距離對後追馬有利,如「糖黐豆」及「雲呢拿」都係早段留守中後叠位置,入直路憑後勁衝贏對手。

今戰列陣馬中,由方嘉柏馬房訓練並安排出戰第五場四班1200米「喜得龍」,上仗正是於1月18日泥地夜賽一放到底贏馬開齋,勝後等番強項再來有力添食。

另外,代表練馬師大摩列陣第四場四班1800米的「和諧氣氛」,此駒之前兩次跑泥地夜賽非冠即亞,今次增程跑1800米更有利其後追跑法,有機會贏馬補中。