周三（3月1日）晚舉行今季第三次於沙田馬場場舉行的全泥夜賽，睇番最近1月18日同類賽事，五場短途1200米都由在前列競跑的馬匹勝出。
其中「喜得龍」、「八心之友」及「加州議長」都係擺前帶到，反而中距離對後追馬有利，如「糖黐豆」及「雲呢拿」都係早段留守中後叠位置，入直路憑後勁衝贏對手。
今戰列陣馬中，由方嘉柏馬房訓練並安排出戰第五場四班1200米「喜得龍」，上仗正是於1月18日泥地夜賽一放到底贏馬開齋，勝後等番強項再來有力添食。
另外，代表練馬師大摩列陣第四場四班1800米的「和諧氣氛」，此駒之前兩次跑泥地夜賽非冠即亞，今次增程跑1800米更有利其後追跑法，有機會贏馬補中。