警隊三萬三人，晒冷爆粗DD聲，自比受納粹迫害的猶太人（識相沒說屠殺這兩個中共禁字），有識之士嚇一驚，點解警隊不顧身世形象，喪到咁盡？
重組案情，睇埋環境證據，忽然喪爆的警隊背後，強力部門正力撐。強力部門早已示範過威力，葉劉直選拿下票后寶座當日，未等上台攞威已經急着驅車一路向西，跟張老闆謝票。西環公然擺佈香港建制人物，拉線人偶愈來愈多足以組成N支足球隊。接下來抓緊機會，向警隊落藥。操弄選票，駕輕就熟，拉攏陀槍師兄，亦是予取予攜。葉劉只是議員，就算效忠西環影響力仍然有限。三萬警務人員被西環包養，要槍有槍要炮有炮，洋法官不放在眼內，泛民議員連民X聯都比他們疊馬，更加無法郁警隊一條毛。普通市民，自此難防暗角的拳打腳踢，七警行私刑，不斷循環發生直到2046！警隊被諷為黑警，再升級被西環收編，又黑又紅，勢力膨脹但EQ高速淪陷，有比D老母和納粹猶太更大鑊的醜，等住爆！張小明攬警搞大佢，愈亂愈爽，想挾邊個？回歸大騷習帝要來贈興的吧。這包花生，香港人剝唔落。