周末國際新聞亮點之一，是和美國主流傳媒越行越遠的特朗普，宣佈不會按慣例出席白宮記者協會晚宴。
Well，冇嘅，唔係話你唔嚟會死，但就擺明冇面畀囉。再加埋佢點名唔畀CNN等傳媒採訪白宮簡佈會，如此公然同傳媒開拖的領導人，簡直如文明大倒退。不過對Mary來說，就係見識到原來在香港那位奇葩外，天外還有天。
怎樣的波士就有怎樣的夥計。總統先生極品以外，他用的公關團隊亦不遑多讓。被問到參加總統就職日的群眾，是否如白宮發言人Sean Spicer所說是「歷來最多」，面目猙獰的特朗普顧問Kellyanne Conway竟唔知醜到在鏡頭前辯說發言人沒講大話，他只是提供「另類事實」……此話一出，舉世譁然，OK，以自由民主掛帥的超級大國，居然夠膽公然踐踏是非黑白、事實真相，咁世界實在毋須再尊重你。
在「後真相時代」，連大國公關尚且如此，難怪「另類事實」足迹處處，大概就如全球暖化一樣是世界性現象，香港蟻民亦無謂太動氣。
所以，有人錯判形勢，闖出瀰天大禍，猶在沾沾自喜，說甚麼「滴水不漏」。
所以，有人以為找幾個後生仔做老臨，就可以扮願意聆聽年輕人的心聲，深得他們支持，以為這樣人們就會無視廣大市民對對手的衷心愛戴。
也許因此，竟然有人話林鄭民望和曾俊華打和，晨早流流笑壞Mary。喂，咪當其他人儍㗎，市面有別的民調，人人有friends有facebook，不是你說了算。
薯片叔叔話齋，公關或者呃到三幾個人，呃唔到幾百萬人。真相才是最王道的公關。
彭瑪莉
mailto:[email protected]