【冤家路窄】負磅拉遠成條街 反敗為勝好出奇咩?

【冤家路窄】
負磅拉遠成條街 反敗為勝好出奇咩?

馬會超新星有新有舊!本周三(3月1日)晚沙田馬場重頭戲二班泥地1200米將出現一場新舊超新星對決,主角同樣目前四歲,分別為早前加入超新星行列的「加州議長」(告東尼馬房),以及季內一直無離過超新星之列的「嫡愛寶」(蔡約翰馬房)。

「加州議長」正盡最後努力爭分,以確保可於下月19日跑香港打吡大賽。今次回師在港一戰一勝的泥地1200米,報名有用王牌,加上已是本月第三度出賽,臨場誓必拼盡求勝。

「嫡愛寶」跟「加州議長」同樣季內暫獲一捷,馬主定未滿足,本身於今年初首戰泥地1200米得第二,敗給該役勝出的後駒兩個多馬位,彼此當時同負133頂磅。

這次「嫡愛寶」少負「加州議長」九磅,本身服役以來不失前五名,出賽例有獎金,周三晚反先後駒報回一箭之仇,亦未嘗不可。