警察吹雞三萬三人「特別會員大會」谷爆，令人想起達明一派「人山人海」歌詞：「……心一句口一句喧嘩裏永遠是對，高一對低一對結隊來按次序，多一對得一對差一對會變絕對。」
絕對的喧嘩令市民確認了：
一，全場最受兄弟歡迎的一句：D你老母！以為香港警察拜關公，原來D你老母才是警隊最in信仰，DD聲那位差人大哥，獲台下歡呼和應，佈道能力更勝叫人沉默的鄺大主教。
二，警隊大晒冷是要給一哥下馬威，順勢鎮懾老頂，將來林鄭上台，警隊一樣唔收口照D佢老母。塞五百蚊落內地職業丐幫集團阿婆手的林鄭，向葉劉急call求救，可惜，為時已晚。
三，警員自比被納粹德軍迫害的猶太人，證明國民教育跟吳局長一樣，都係廢嘅。警員水平，勁貼地，辱無可辱！
四，珠姐現場撐警，爆響口指銀行界已答應七兄弟一出獄就會聘用。銀行未來多暗角，唔買基金，唔做定存的師奶，小心被拳打腳踢！