【MWC2017】網上直播睇會前發佈 LG Sony齊出手【MWC2017】網上直播睇會前發佈 LG Sony齊出手
每年在西班牙舉行的MWC都是上半季大牌旗艦手機的表演舞台，但近年例牌以新S系壓場的Samsung，唔知係咪要留力兼確保萬無一失，新作S8應唔會登場，令LG的G6成了今次大會的獨大焦點作。雖然你同我都未必有機會飛去西班牙參與盛事，但LG就已公佈將於2月26日，香港時間晚上7時正，在網上直播G6的發佈會。其實G6的規格傳聞早有流傳，就連實機圖都有流出，Snapdragon821處理器、32bit Quad DAC解碼芯片、5.7吋18:9大屏幕等等，雖然好像實牙實齒，但真正規格都係要發佈後才能確認，粉絲或有意換機者都不妨留意。
相對於LG G6的事先張揚，Sony就低調得多，雖然同樣已公佈將於2 月27日，香港時間下午3:30舉行發佈會並同設網上直播，但有關新機的消息就頗為保密，照推理就應會發佈新一代的Xperia X系列，至於會不會有驚喜新功能，就要留意發佈會和我們的報道了。
記者：韓繼聰
之前LG亦放出有關G6的UX Teaser。
Sony就低調得多，一般相信在2 月27日的發佈會中會發佈新一代的Xperia X系列。
網上直播連結： httpHYPERLINK "http://blogs.sonymobile.com/"://HYPERLINK "http://blogs.sonymobile.com/"blogsHYPERLINK "http://blogs.sonymobile.com/".HYPERLINK "http://blogs.sonymobile.com/"sonymobileHYPERLINK "http://blogs.sonymobile.com/".HYPERLINK "http://blogs.sonymobile.com/"comHYPERLINK "http://blogs.sonymobile.com/"/