資深藝人魯芬（原名張偉芬）去年患上皮肌炎，農曆新年前入院，本月6日因肺部衰竭病逝，終年63歲。家人安排魯芬昨早在紅磡世界殯儀館出殯，遺體奉移鑽石山火葬場火化。魯芬生前人緣不錯，圈中友人邵音音、斑斑、曾守明、黃夏蕙、曾志偉太太朱錫珍和聶安達等前來送她最後一程。
為人有義氣
昨早9時許，魯芬的一對姪仔張鈺麟及姪女張月齡抵達靈堂打點，兩人先到靈前向姑媽上香。大約11時半，數位高僧進行封棺儀式，魯芬的靈柩由工作人員推上靈車，捧着魯芬靈堂照的姪仔，表現平靜，他隨即與妹妹跟上靈車，與親友前往火葬場。
斑斑和魯芬相識多年，斑斑到場先鞠躬上香，再向魯芬家人打招呼慰問，她都不禁拭淚。斑斑大讚魯芬為人有義氣，愛幫朋友，她說：「呢個係佢美德，得到好多人愛戴，佢又好爽直，鍾唔鍾意都會擺喺面上，我好唔捨得佢。」斑斑嘆氣後繼續說：「由上年至今年，我經歷好多嘢，估唔到新年第一單係佢，希望佢一路好走，去佢開心嘅極樂世界。」
「唔知佢有病」
曾守明早前曾出現心臟血管的問題，他昨同樣讚魯芬是好人：「我早排身體有事，佢都有關心我，但我唔知佢有病。13年我同個仔去《盲探》首映，咁快就幾年，我同仔講『芬姨走咗』。」曾守明忍不住哽咽，續說：「佢（魯芬）同我講，我哋做藝人靠面口搵食出席活動，就算係慈善活動，都要問主辦單位攞利是，攞個意頭。」他講完再一邊流淚，一邊說：「最難忘係我哋去party，佢捉住我哋影相，好親暱，佢好玩得，對人好親切，我哋工作上冇合作過，但我哋喺活動上唱過歌。」
採訪：黃曉妍
攝影：沈健程