藝人養馬越嚟越普遍，好似大哥大洪金寶隻「崇山寶」出名勁，而最老資格嘅藝人馬主就係曾志偉，最新養嘅團體馬「卡加動力」亦好有實力，當中仲有許晉亨、李嘉欣、甄子丹、蔡加讚、呂麗君、蘇志威、馬德鐘及陳玉蓮等都係「星級馬主」。
許晉亨 李嘉欣
隸屬告東尼馬房嘅「駟寶」，由城中知名夫婦許晉亨及李嘉欣聯名持有，二人於2014年由英國購入兩歲「駟寶」，當時許晉亨與李嘉欣曾養兩匹愛駒「一寶」及「貳寶」，偏偏呢隻唔叫「三寶」，而改名為「駟寶」。
洪金寶
練馬師姚本輝替大哥洪金寶繼購入「崇山寶」後， 再購入「飛雲寶」，「崇山寶」為出色短途好手在港及海外創出佳績。
甄子丹
甄子丹與姨仔汪圓圓老公蔡加讚夾份養馬，愛駒命名「宇宙車神」，佢曾指加讚名下賽駒叫車神，而自己綽號叫「宇宙最強」，因此馬匹取名為「宇宙車神」。
呂麗君
大劉舊愛呂麗君愛駒「替天行道」於2015年退役，由愛爾蘭自購馬「摩高一丈」接力，馬主係呂麗君同何建開醫生夫婦夾份養。
蘇志威
上年10月靠朋友喺美國以7位數字買到心頭好，太太劉小慧搵師傅為愛駒改名為「駿王」，蘇志威自言自己屬馬，由小到大嘅夢想就係擁有一匹駿馬。