前日林鄭月娥去觀塘落區，仲去淘大花園探訪，佢話淘大居民曾喺2003年堅毅不屈同沙士搏鬥，體現香港精神，不過林鄭呢番讚淘大居民嘅說話，唔係個個居民受落。facebook有個「淘大花園小業主互助守望區」專頁，就批評林鄭抽佢哋水。
個專頁編輯喺facebook發文，話淘大花園只係觀塘區一個屋苑，不敢當可以代表全香港，而且沙士已事隔十幾年，當年有不少街坊因為咁離世，好多患病街坊康復後亦承受多項後遺症影響，反問有冇必要再舊事重提？再提沙士又會唔會令街坊勾起當年慘痛回憶？專頁編輯最後懇請有關方面，請勿再消費淘大居民，利用沙士作唔同方面嘅炒作，等離世嘅街坊能夠安息，當年經歷沙士嘅街坊能夠平靜生活。