周汶錡（Kathy）昨日出席時代廣場活動時，提到前晚在Instagram貼她攬着兒子Jacques的黑白大肚寫真相，她笑說：「隨時生得，因為3月頭係預產期，想留美好回憶，同仔一齊影，唔係刻意暴露，想有母愛，好自然件事帶出嚟，效果覺得好靚。」
Kathy透露拍攝當日，已準備iPad及糖果𠱁囝囝，更讚他有做模特兒潛質：「助手喺身邊𠱁佢，叫佢扮瞓喺我身度，佢即刻瞓喺我度，好OK。」之前，她未有透露BB性別，問她已準備BB衫給囡囡？她即笑說：「我有話過生女咩？唔講仔定女，賣個關子，不過冇乜所謂，當日買畀囝囝啲衫，都係白色為主，自然顏色，我好環保，好多衫係朋友畀我。」
採訪：王連連