眼紅有幾個意思，可以係眼睛有毛病，亦可以係妒忌，即唔抵得人哋好過自己，仲可能因為喊到眼紅，唔知特首梁振英因乜事呢？梁特前日返內地連踩幾場，先見深圳市委書記兼市長許勤，再拜會廣東省委書記胡春華。唔知係咪太博想升呢做政協副主席，噚日佢出席一個午餐會演講時，雙眼通紅睜唔大，左眼仲起晒血絲。
梁特眼紅引起唔少猜測，啱啱返完內地就眼紅，唔通喺內地感染病毒？抑或受到大打擊喊到眼紅？又咁橋佢舊下屬曾俊華噚日終於攞夠選委票，有得入閘選特首，可能葡萄到紅晒眼都唔定。八方問過特首辦，梁特因乜解究眼紅，不過就冇回覆。八方都希望梁特早日康復，放開胸襟，睇開啲啦。