【爆相爆片】現年28歲的何傲兒跟周子揚分手後，日前被讀者Suki透過本報「爆相爆片」報料，指何傲兒早前與一位四眼男在尖沙嘴海港城COVA嘆下午茶，讀者Suki說：「佢哋坐低邊食邊傾，已經傾咗差唔多個幾鐘，傾得好開心，不過坐坐吓轉咗去另一個位，所以唔係清楚佢哋做啲乜嘢。」
林作讚傲芝有內涵
對於跟四眼男約會，何傲兒日前笑着回應：「係音樂監製Alan，因為今年最大嘅目標希望喺音樂方面，希望可以生個『BB』出嚟，自己都作咗幾首歌，Alan畀咗好多意見。」問到感情方面，傲兒謂：「有諗過吓拍拖，但呢啲嘢冇得心急。」
此外，傲兒與胞姊何傲芝主持奇妙電視節目《何家姊妹何家餐》，昨日於林作中環半山豪宅拍攝，傲兒一再澄清在餐廳約會的異性是音樂監製而非男友。昨日拍攝時，林作媽咪親自下廚，她謂：「搵新抱要入得廚房，出得廳堂，有內涵同靚，要一索得子。」惟林作卻謂暫未有結婚打算。
何傲芝獲林作媽咪讚賞，林作亦大讚對方有內涵，但他抵死地說：「梗係內涵啦！唔通樣咩。」
採訪：唐琛悠、張俊銘
攝影：陳俊強
